小朋友都做到的美味夏威夷薄餅

我的好友的兩個小朋友話想來我家學烹飪，他們一個6歲，一個3歲。兩個年紀小，學做的菜一定是他們處理得到，一些易做合口味又有滿足感，最好回到家都可以encore的食物，增強他們自信，以免嚇怕他們，餘生不敢再入廚房。

火腿菠蘿一向是派對之選、小朋友恩物，但教做火腿菠蘿串似乎侮辱了他倆的智慧，反正他們都會留下吃晚餐，就叫他們幫手做一味飽肚的主食－夏威夷薄餅。

平時我做薄餅的批底是用麵包機把材料攪拌發酵做成，真的做薄餅from scratch。雖然有機器代勞，但時間有限(小朋友不會有耐性等)，加上他們家中沒有麵包機，用此方法會打擊他們回家再做的決心，所以我用可在超市購買的墨西哥薄餅tortilla代替，焗出來有薄批感覺(雖然不是脆的)，不會太厚而覺得太飽。他們倆一人做一個，pizza細細地又唔會太多，又可以比較誰做得美。有朋友試過用pita bread做，但覺得有點厚。

材料有菠蘿火腿，醬汁就用罐裝蕃茄醬(tomato sauce，不是ketchup)，芝士用Parmesan。所有材料已熟可入口，不怕他們中途因偷食而壞肚子。當然材料醬汁千變萬化，可以用雜錦海鮮配千島汁，三文魚配wasabi mayonnaise，芝士用mozzarella 更可做出pizza拉絲感覺。總之做pizza真是萬變不離其宗。

材料：

菠蘿     1罐

火腿     5塊

Tortilla   2塊

蕃茄醬  1罐

Parmesan cheese  大半包

(材料其實隨量就可以，以上是我今次的做法)

做法：

1. 預熱焗爐210度。

2. 在tortilla上塗滿蕃茄醬，灑滿芝士。

3. 均勻地放上材料，再灑上少少芝士。

4. 放入已預熱焗爐焗8-10分鐘至芝士溶

(各個焗爐爐溫可能有出入，緊記睇火防燶)。

5. 出爐切件食得。

後記：

1. 小朋友都覺得薄餅比餐廳的好味，問他們原因，他們說因為薄餅是自己做，可以自由選擇材料多寡和擺放方法。果然是自己"血汗"特別好吃。

2. 剩下的蕃茄醬可以用來煮肉醬，配上意粉通粉，又是另一道菜，充滿意大利風情的一夜~~